A Xunta informa da convocatoria de folga na empresa Subus Grupo de Transporte S.L., integrante das UTEs titulares dos contratos XG667, XG668, XG669, XG859 e XG883 para os días 18 e 23 de xuño e 1 de xullo.
Esta convocatoria afecta ó ámbito territorial dos servizos de transporte público prestado no marco dos contratos citados anteriormente e ás persoas traballadoras de Subus Grupo de Transporte, S.L., con centro de traballo no Porriño (Pontevedra).
Como garantía dos dereitos vinculados coa mobilidade da cidadanía, o traballo e a educación, a Consellería de Presidencia, Xustiza e Deportes fixou servizos mínimos nos servizos de transporte público regular de competencia da Xunta de Galicia afectados pola convocatoria de folga. De forma concreta, os servizos establecidos como mínimos son os seguintes:
- Servizos públicos de transporte regular de uso xeral:
- Nas rutas de menos de 25 quilómetros: o 50% dos servizos comprendidos entre as 06.00 horas e as 09.00 horas e das 18.00 horas ás 21.00 horas.
- Nas rutas de máis de 25 quilómetros con orixe ou destino nalgunha das sete cidades: un servizo de ida e outro de volta con saída anterior ás 14.00 horas e posterior ás 18.00 horas.
- Servizos de uso xeral integrados (con reserva de praza para escolares): todos os servizos das rutas de máis de 4 quilómetros.
Os servizos mínimos no transporte regular de uso xeral para as xornadas indicadas poderán consultarse na páxina web da Xunta de Galicia https://www.bus.gal/gl/descargas/servizos_minimos .
Ademais, as empresas dará a máxima difusión dos servizos concretos que resulten afectados a través dos medios que permitan o seu coñecemento, con antelación ao inicio da folga e durante a mesma.