A partir do 24.10.2024, facilitaranse dous novos servizos con itinerario Bueu-Pousada-Igrexario de Cela-Outeiro-Bueu, baixo demanda, operativos de luns a venres todo o ano en días non festivos. Estes novos servizos realizarán saídas ás 17,00 e 18,00 horas e chegadas ás 17,19 horas e 18,19 horas.
A ruta manterá o percorrido habitual, cunha duración aproximada de 19 minutos, o itinerario estará conformado polas seguintes paradas: Bueu, Meáns-Petis, Empalme Pousada, Pousada, Igrexario De Cela, Burgo, Beloso, Outeiro e Bueu.
Para reservar unha praza nas novas expedicións habilitadas no horario de tarde, as persoas usuarias deberán chamar ao teléfono 988 69 78 00 de 08,00-19,00 horas en día laborable. É preciso lembrar que a reserva debe facerse antes das 19,00 horas do día laborable anterior á realización da viaxe.
Lembre consultar os horarios actualizados a través do buscador da páxina principal da páxina web www.bus.gal