AVISO IMPORTANTE: A XUNTA REFORZA OS SERVIZOS NOS TRAXECTOS INTERMEDIOS ENTRE A CORUÑA E FERROL

Ven, 18/02/2022

A XUNTA REFORZA A PARTIR DO MÉRCORES 23 DE FEBREIRO OS SERVIZOS DE AUTOBÚS NOS TRAXECTOS INTERMEDIOS ENTRE A CORUÑA E FERROL

Os novos axustes responden a necesidades concretas detectadas nalgúns municipios intermedios e á posibilidade de mellorar as súas comunicacións optimizando certos horarios e itinerarios dos servizos.

Estas adaptacións potencian as melloras xa implantadas o 24 de xaneiro na atención das poboacións intermedias tras a activación o 10 de xaneiro de 55 novos servizos directos entre A Coruña e Ferrol.    

  • Entre Betanzos e A Coruña engádense frecuencias directas e adecúanse horarios por estrada ás xornadas dos traballadores do CHUAC e do polígono de Bergondo
  • Á primeira hora da tarde, Miño gaña un servizo desde Ferrol e a liña que une Pontedeume, Miño e Betanzos prolóngase ata A Coruña sen necesidade de transbordo
  • As conexións entre Ferrol, Ares e Mugardos reorganízase nas fins de semana e festivos, mellorando as súas comunicacións e dando servizo a núcleos de poboación coma Chanteiro e O Seixo

Xa se pode consultar a información da concesionaria sobre os novos horarios no enlace: http://www.monbus.es/gl/novas/367/actualizacion-dos-servizos-da-xg871/, e dende o día 23 de febreiro estarán dispoñibles no buscador de bus.gal